expedia 套票優惠 : 國泰．大阪 / 京都抵玩套票！紅葉季、跨年照減！ (優惠至9月30日)

國泰飛大阪連埋3晚住宿，三千蚊都唔駛！再額外免費送你$150機場現金券！係咪抵先？

國泰延續大阪套票優惠，出發日期仲去到明年3月。經 Expedia 預訂，大阪／京都「來回機票+酒店」：4日3夜連稅只需$2,950起、5日4夜$3,042起、7日6夜$3,226起！呢個價錢係以最平嘅住宿「Hotel Zipang」為例。

以上價錢為2人同行嘅每位價錢，已包國泰航空來回大阪機票、住宿、30kg寄艙行李、稅項！

出發日期至2018年3月25日，想去睇紅葉梗係得，想新年去搶福袋掃貨亦都得！跨年飛大阪都有平，可以12月29,30,31日出發，1月5日或之後返港。

旅行日子可長啲或短啲，大家預訂時可以揀選其他日數，最長可以玩8日7夜。同時，亦可自選任何酒店。

留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。

預訂資訊：

出發日期：即日-9月28日、10月1日-12月19日、12月29日-2018年2月11日、2月21日-3月25日 (回程最遲3月29日返港)
機票有效期：2-7日
寄艙行李限額：30kg

預訂日期：即日-2017年9月30日

預訂網址：http://www.expedia.com.hk (需以網頁版訂購，手機 App 無法訂購)

5月4夜「機票＋酒店」推介：

機票＋麗嘉中之島酒店 ★★★｜連稅$3,472起 (以2018年1月14日去、1月18日返為例)
酒店位於梅田，行去地鐵肥後橋站一分鐘都唔駛，同時近京阪缐，出入非常方便。酒店大堂有便利商店，很方面，對面有 Starbucks 及24小時營業嘅食店。

機票＋大阪東急REI飯店 ★★★｜連稅$3,831起 (以2017年12月3日去、12月7日返為例)
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！客房唔大，最細果間只有13平方米，但喺梅田有呢啲價位，真係抵！

機票＋Via Inn 心齋橋 ★★★｜連稅$4,046起 (以2018年1月14日去、1月18日返為例)
位置優越！從地鐵心齋橋站7號出口，步行約2分鐘就到。樓下有便利店，行約5分鐘到心齋橋購物區，shopping 同搵嘢食都好方便。客房面積最細有13平方米，一般日本商務酒店嘅 size，不過勝在價錢平又夠方便。

機票＋大阪蒙特利酒店 ★★★★｜連稅$4,146起 (以2017年12月3日去、12月7日返為例)
地點優越，由JR大阪站櫻橋口直出，通過梅三小路商店街，行3至5分鐘就到！各大型商場就係正附近，逛街食飯飲嘢宵夜冇難度！

機票＋APA Hotel Namba-Ekihigashi (新酒店) ★★★｜連稅$4,112起 (以2017年12月3日去、12月7日返為例)
2017年4月開張，酒店位置佳，距離「南海電鐵．難波駅」只有5分鐘步程。附近有 Namba City 等大型商場。酒店嘅設計係一貫 APA 商務酒店嘅風格，客房略小，最細嘅房只有11平方米 (118平方呎)。

機票＋心齋橋小船酒店 (新酒店) ★★★｜連稅$4,483起 (以2017年12月3日去、12月7日返為例)
於2017年5月開幕，酒店位置極佳，位於心齋橋最熱閙嘅地段，距離「地鐵．心齋橋駅」只需約4分鐘步程。酒店嘅設計走簡約路線，客房以白色為主調，並配上樺木，予人光猛、潔淨嘅感覺。最細嘅房間只有約13平方米 (140平方呎)。

機票＋大阪難波光芒酒店 (新酒店) ★★★｜連稅$4,539起 (以2018年1月14日去、1月18日返為例)
將於2017年7月開幕，酒店位置方便，位於東心齋橋地區，距離「地鐵．日本橋駅」約6分鐘步程，行去心齋橋商店街只需7分鐘。酒店嘅設計走時尚簡約路線，頂層設有展望露天風呂，最細嘅客房約16平方米 (172平方呎)。

機票＋禦宿野乃難波酒店 ★★★｜連稅$4,944起 (以2017年12月3日去、12月7日返為例)
2016年9月開幕嘅新酒店，屬名牌連鎖酒店 Dormy Inn 旗下。位於難波，好近心齋橋同道頓堀商店街。最驚喜嘅係雖然酒店位於市中心，但竟然有天然溫泉！

除咗以上介紹，大家可以自由搭配唔同嘅酒店，亦可自訂旅程嘅日數。

如果想喺行程中住唔同嘅酒店，搜尋時可以揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。

另外，由即日起至9月30日，喺 Expedia 預訂任何機票或套票 (機票+酒店) 即送價值$150嘅香港國際機場現金券！名額40,000個，額滿即止。大家完成預訂後，記得填妥表格，完成登記後，現金券將會郵寄至閣下嘅登記地址。

預訂資訊：

出發日期：即日-9月28日、10月1日-12月19日、12月29日-2018年2月11日、2月21日-3月25日 (回程最遲3月29日返港)
機票有效期：2-7日
寄艙行李限額：30kg

預訂日期：即日-2017年9月30日

預訂網址：http://www.expedia.com.hk (需以網頁版訂購，手機 App 無法訂購)

expedia 套票優惠 : 國泰．大阪 / 京都抵玩套票！紅葉季、跨年照減！ (優惠至9月30日)