十大必買的日本手信

十大必買的日本手信

去旅行!? 點可以唔買手信架!講到手信大國的話,一定是日本啦,日本伴手禮出名多又好味,而且包裝又靚,最適合送比親朋好友,所以今期筆者就為大家精選了十大必買的日本手信,依家YEN 咁平,一於走一轉日本,玩盡佢、買盡佢啦!依家就即刻去相,真係睇見都覺得吸引,個心都飛埋去日本啦‧‧‧


No1-5

1. PABLO 半熟芝士蛋糕
大阪的人氣伴手禮代表相信是不少人都識的PABLO半熟芝士蛋糕,PABLO的店前總會大排長龍,而令大家為之瘋狂的就是焗至半熟,有爆漿口感的芝士蛋糕!所有的芝士蛋糕全部現場即製,出爐時更有鈴聲提醒大家,都幾有趣架!半熟的芝士口感濃郁,入口即溶,甜度剛好,賞味期限是三天,所以想買回香港做手信的話,最好上機前先買!
購入場所:PABLO 東京、大阪分店

2. 大阪炭火燒肉田村家之大蒜肉味噌
買日本零食做手信你一定有聽過,但係買肉味噌你又試過未呢?筆者今次推薦的是由大阪知名的燒肉餐廳-炭火燒肉田村所特製的肉味噌,它的味道濃郁,用黎撈飯一流呀,買黎做伴手禮夠特別呀,買支肉味噌換左放係屋企個支腐孔啦,比朋友家人試下新野嘛!
購入場所:炭火燒肉田村

3. Royce 朱古力
正所謂開心食朱古力,唔開心都食朱古力,買日本的朱古力做手信就個個都鍾意啦!Royce 朱古力在日本有很高的人氣,它們的朱古力入口即溶,是令你難忘的舌尖上融化的口感,店內另有朱古力薯片等產品,一樣咁好味,下次去日本記得要買啦!
購入場所:北海道的 ROYCE 直營店、機場、車站內的商店及伴手禮店、日本主要機場的免稅店等

4. 東京 Banana
雖然我推介東京Banana,你會話我老套,不過東京Banana 又可愛又好味,你去日本唔會唔買掛?由最開始全黃色的香蕉蛋糕,到東京限定版,再配合Tokyo Skytree Town (晴空塔) 的開幕而推出的豹紋版,雖然成日都見,不過人氣依然強勁,日本必買手信絕對有佢份!
購入場所:羽田機場及成田機場、JR東京車站或JR上野車站等鐵路車站、東京晴空塔等

5. 福岡名菓吉野堂雞仔餅
雞出沒注意!遊福岡不能不買的手信就係佢啦-吉野堂雞仔餅,點解叫雞仔餅?因為它的造型是一隻小雞,十分可愛有趣,而且散發陣陣蛋氣,甜而不膩,你食過就知有幾回味無窮。品牌已有100年歷史,亦不時推出限定包裝,重有分大雞、小雞,買黎做手信就最好啦,大人小朋友都一樣咁鍾意呀!
購入場所:以福岡為首九州內的機場、車站、伴手禮店、日本的各大百貨公司及主要車站等


No6-10

6. 東京年輪家年輪蛋糕
被譽為東京最好吃的年輪蛋糕,在東京伴手禮中有一定的地位,永遠都在排隊的年輪蛋糕店,就是年輪家!除了一般的口味之外,年輪家不時會推出限定口味,如春天的櫻花口味,十分有趣。年輪蛋糕的口感綿密細緻,層次分明,不會太乾太甜,是人人都會鍾意的味道,年輪蛋糕的保存期大概六天,當然即買即食係最新鮮、最好味啦,所以想買黎做日本伴手禮的話,就要上機前先好買啦。
購入場所:銀座本店、大丸百貨東京店、西武百貨池袋店、SOGO百貨橫濱店、大丸浦和PARCO百貨、羽田機場第二航廈等

7. Berne Millefeuille朱古力千層酥
Berne 這個品種創立於1965年,最開始以做千層酥起家,後來把濃郁的朱古力和千層酥結合,做出令人一試難忘的巧克力千層酥,亦令到這個品牌大受歡迎,包裝盒內有三個顏色,各自代表三個不同的口味,分別是牛奶朱古力、榛子朱古力和甜朱古力,筆者就最鍾意榛子朱古力,你呢?
購入場所:銀座三越百貨、日本橋三越百貨、新宿高島屋百貨、日本橋高島屋百貨、池袋西武百貨、池袋東武百貨、大丸百貨東京店、成田機場、羽田機場

8. TOKYO CAMPANELLA 東京晴空戀巧
TOKYO CAMPANELLA 是2007年3月才正式面世的新日本伴手禮,它的包裝以Tiffany blue為主,給人的感覺高貴大方,包裝更曾獲得國際包裝大獎Pentaward 的金獎,是近年東京手信的新星。其實它是由3層構成的曲奇,以法國可可製成的朱古力薄片夾著朱古力漿,香脆又味道濃郁,甜度剛好,而且是東京限定,下次遊東京一定要買一盒啦。
購入場所:東京車站、東京晴空塔、大丸百貨東京店、JP車站、羽田機場、成田機場

9. 北海道白色戀人
人人都有經歷過的白色戀人年代,由1976開始,這個品牌在日本手信榜有著居高不下的人氣,以酥脆的貓舌餅夾著白朱古力,香脆而鬆化的口感讓人念念不忘,其後更推出黑朱古力味,而且它的包裝好有北海道風味,真係食完都唔捨得唔要個盒呀!
購入場所:札幌市內的百貨公司、北海道的機場、車站內的商店及伴手禮店等

10. 蒸氣眼罩
香港人日日用很多時間對住智能電話、平板電腦、公司電腦等電子產品,對眼又攰又無神!所以無論男、女都岩的日本手信,非人氣的蒸氣眼罩莫屬。戴上眼罩後,眼罩會慢慢變熱,約40℃ 的溫熱就會開始溫柔地包著雙眼,可讓你的雙眼徹底放鬆。人人都岩用,重可以一塊片一塊咁送,是很實用的伴手禮,記得要買啦!
購入場所:藥妝店

日本旅遊攻略 日本機票優惠 日本訂房優惠 日本酒店優惠 日本旅遊須知

十大必買的日本手信